*మహాభారతం అసలు పేరు తెలుసా?*
మొట్టమొదట వేదవ్యాసుడు చెబుతుండగా వినాయకుడు రాసి దానికి *‘జయం’* అన్న పేరు పెట్టారు
ఈ కథను వేద వ్యాసుని శిష్యుడైన వైశంపాయనుడు
పాండవుల మనుమడు అయిన పరీక్షితు మహరాజ కుమారుడు జనమేజయుడుకు చెప్పడంతో *‘విజయం’* అన్న పేరు పెట్టారు
తరువాత నైమిషారణ్యంలో సూతకులనికి చెందిన ఉగ్ర శ్రావణుడు శౌనాకాది మహర్షులకు *‘భారతం’* పేరుతో ఈ కథను చెప్పడం జరిగింది
భారతం తరువాతి కాలంలో *‘మహభారతం’* గా ప్రసిద్ది కెక్కింది
ప్రపంచ సాహిత్యంలోనే ఇలాంటి కథల సమాహర మాలిక అరుదు
భారతీయులు దీన్ని *‘పంచమ వేదం’* అంటారు
మహభారతం అనేక ఉప కథల సమాహరం
ముఖ్యంగా యుద్ధవిశేషాలతో సాగుతుంది
మొత్తం 18 పర్వాలు
1. *ఆది పర్వము*: 1-19 ఉపపర్వాలు - పీఠిక, కురువంశం కథ, రాకుమారుల జననం, విద్యాభ్యాసం.
2. *సభా పర్వము*: 20-28 ఉపపర్వాలు - కురుసభా రంగం, మయసభ, పాచికల ఆట, పాండవుల ఓటమి, రాజ్యభ్రష్టత.
3. *అరణ్య పర్వము*: 29-44 ఉపపర్వాలు - అరణ్యంలో పాండవుల 12 సంవత్సరాల జీవనం.
4. *విరాట పర్వము*: 45-48 ఉపపర్వాలు - విరాటరాజు కొలువులో ఒక సంవత్సరం పాండవుల అజ్ఞాతవాసం.
5. *ఉద్యోగ పర్వము*: 49-59 ఉపపర్వాలు శ్రీకృష్ణ రాయభారము -కౌరవ పాండవ సంగ్రామానికి సన్నాహాలు.
6. *భీష్మ పర్వము*: 60-64 ఉపపర్వాలు - భీష్ముని నాయకత్వంలో సాగిన యుద్ధం.
7. *ద్రోణ పర్వము* :65-72 ఉపపర్వాలు - ద్రోణుని నాయకత్వంలో సాగితే యుద్ధం.
8. *కర్ణ పర్వము*: 73 వ ఉపపర్వము - కర్ణుని నాయకత్వంలో సాగిన యుద్ధం.
9. *శల్య పర్వము*: 74-77 ఉపపర్వాలు - శల్యుడు సారథిగా సాగిన యుద్ధం.
10. *సౌప్తిక పర్వము*: 78-80 ఉపపర్వాలు - నిదురిస్తున్న ఉపపాండవులను అశ్వత్థామ వధించడం.
11. *స్త్రీ పర్వము*: 81-85 ఉపపర్వాలు - గాంధారి మొదలగు స్త్రీలు, మరణించినవారికై రోదించడం.
12. *శాంతి పర్వము*: 86-88 ఉపపర్వాలు - యుధిష్ఠిరుని రాజ్యాభిషేకం. భీష్ముని ఉపదేశాలు.
13. *అనుశాసనిక పర్వము*: 89-90 ఉపపర్వాలు - భీష్ముని చివరి ఉపదేశాలు
14. *అశ్వమేధ పర్వము*: 91-92 ఉపపర్వాలు - యుధిష్ఠిరుని అశ్వమేధ యాగం.
15. *ఆశ్రమవాస పర్వము*: 93-95 ఉపపర్వాలు - ధృతరాష్ట్రుడు, గాంధారి, కుంతి ప్రభృతులు చివరి రోజులు ఆశ్రమవాసులుగా గడపడం.
16. *మౌసల పర్వము*: 96వ ఉపపర్వం - యదువంశంలో ముసలం, అంతఃకలహాలు.
17. *మహాప్రస్ధానిక పర్వము*: 97వ ఉపపర్వం - పాండవుల స్వర్గ ప్రయాణం ఆరంభం.
18. *స్వర్గారోహణ పర్వము*:98వ ఉపపర్వం - పాండవులు స్వర్గాన్ని చేరడం.
