నీతి కదల నెన్నొ నియమమ్ముగానేర్వ

 నీతి కదల నెన్నొ నియమమ్ముగానేర్వ

బుద్ధి వికసనమ్ము పొందుచుండు

జ్ఞానధనము మించు సంపదలేదెందు

తెలిసి మెలగ మేలు తెలుగు బాల.

 

తాత్పర్యము: నీతి కథలు ఎన్నింటినో  తెలుసుకుంటూ ఉంటే బుద్ధి వికసిస్తుంది. జ్ఞానమనే దానాన్ని మించిన సంపద లేదు. తెలుసుకుని మసులుకో ఓ తెలుగు బాల

యంత్రశాల లెన్నొవ్యర్థపదార్థాలు

 యంత్రశాల లెన్నొవ్యర్థపదార్థాలు

నదులలోన విడువ నష్టమగును

కలుగు ప్రాణ హాని కలుషమ్ము వలననే

తెలిసి మెలగ మేలు తెలుగు బాల.

 

తాత్పర్యము: యంత్రశాలలో నుంచి వచ్చే ఎన్నో వ్యర్ధపదార్ధాలు, విష పదార్ధాలను నదులలో కలపడం వలన నష్టం కలుగుతుంది, కాలుష్యం పెరిగి ప్రాణ హాని జరుగుతుంది. కాబట్టి విషపదార్థాలను, కలుషితాలను నదులలో కలుపరాదు. తెలుసుకుని మసులుకో ఓ తెలుగు బాల

చదువు మీద శ్రద్ధ చక్క గా చూపింప

 చదువు మీద శ్రద్ధ చక్క గా చూపింప

మేధా పెరుగుచుండు మేటిగాను

చదువు కీర్తి నిచ్చు సౌభాగ్యమొసగును

తెలిసి మెలగ మేలు తెలుగు బాల.

 

తాత్పర్యము: చదువు మీద అ చక్కగా శ్రద్ధ చూపిస్తే తెలివితేటలు గొప్పగా వస్తాయి. విద్య గొప్ప పేరు, ప్రతిష్టలను మరియు సంపదలను ఇస్తుంది. ఈ విషయాలను తెలుసుకుని చక్కగా నడుచుకో ఓ తెలుగు బాల.

పుస్తకమ్ము, డబ్బు, పూబోడి యొకసారి

 పుస్తకమ్ము, డబ్బు, పూబోడి యొకసారి

పరులచేతిలోన పడిన యెడల

రావు, వచ్చినపుడు భ్రష్టమై యుండును

తెలిసి మెలగ మేలు తెలుగు బాల.

 

తాత్పర్యం:

 

పుస్తకము, డబ్బు, పూలు ఒకసారి ఇతర చేతిలో పడిన తర్వాత తిరిగిరావు. వచ్చినా చెడిపోయి ఉంటాయి. కనుక వీటిని ఇతరులకు ఇచ్చే ముందు జాగ్రత్త పడు. తెలుసుకుని మసులుకో ఓ తెలుగు బాల

బడికి వెళుటకును గొడవ చేయగరాదు

 బడికి వెళుటకును గొడవ చేయగరాదు

తల్లిదండ్రి మాట తప్పరాదు

పెద్దవారి మాట పెన్నిధి సమమమౌను

తెలిసి మెలగ మేలు తెలుగు బాల.